Þessi listi er nú bara ekkert verri!!

Þetta er bara fáránlegt!  Hver ætlar að sitja heima?  Ekki ég!

 Þetta er af síðu hljómborðsleikarans í bandinu sem við sjáum með Larry Carlton í Valaskjálf 26 júní næstkomandi!

Donna Summer;)

http://www.gregmathieson.com/discography.html

Larry Carlton hefur spilað með öllum!

Listinn er endalaus og það eru ekki margir tónlistarmenn sem hafa annan eins feril.  Tónlistinn sem hann spilar er ótrúlega fjölbreitt hefur hann leikið inná lög með Michael Jackson, inná plötur með Joni Michell, Paul Anka og Steely Dan.  Tónleika með Sting og öllum hinum svo ég verði ekki of langorður.  Hér eru tvö myndbönd þar sem fjölbreytni Larrys skín í gegn.  Annað er inn gamalgróni standard Misty sem við höfum nú flestir spilað sem spilum á annað borð.  Þar er hann á sviði með einum frábærum gítarleikaranum í viðbót, Tal Farlow, en hann var alveg ótrúlegur spilari og heiður bara að fá að hlutsta á hann hvað þá spila með honum!  Og hitt með Steve Lukather gítarleikara Toto en þeir Toto menn og Larry unnu mikið saman á áttunda áratugnum.  

Ímyndið ykkur.... Larry Cartlon, bara á Austurlandi!!!!

 

www.jea.is

Þegar þið eruð búnir að nota þá í leikhúsinu....

þá mega áhorfendur koma með stólana með sér á opnunarhátíð JEA. Okkur gæti vantað stóla í göngin þegar Draumar verða fluttir.  Hvað eru Draumar?  Daumar er nýtt dans og tónverk sem verður frumflutt á opnunarhátíð JEA á bóla kafi í fjalli!  Einar Bragi samdi tónlistina og Irma Gunnarsdóttir dansinn.  Gulli Briem, Óli Schram, Jói Ásmunds og fleiri sjá um að flytja tónlistina fyrir þig og dansararnir eru Guðrún Óskars, Katla Þórarinsdóttir, Inga Maren og Þórdís Schram.  

Ef þú vilt sjá eitthvað alveg einstakt vertu þá við aðgöng stöðvarhúss Fljótsdalsvirkjunnar miðvikudaginn 25 júní kl 20:30.  Þessi staður er rétt hjá Skriðuklaustri.

 

 Hér verða Draumar.  Ljósin í göngunum verða slökkt og við ráðum lýsingunni!

Leikhúsið stólar á áhorfendur

Það er bara skemmtileg tónlist á JEA!

Og hana nú! Það skiptir öllu máli að allir geti komið á hátíðina og fundið eitthvað við sitt hæfi. Hátíðin okkar er ekkert risa stór en á henni finnur þú tónlist sem þú fílar.

Draumar bjóða þér í dans og nýja íslenska(austfirska) tónlist, Larry Carlton hefur leikið með öllum og verða tónleikar hans mjög fjölbreyttir. Með Larry er svo djass-söngkonan Laurie Wheeler (hlustaðu á hana í spilaranum til hliðar). Bláir Skuggar er blues-megin í djassinum, frábærir spilarar! Svo fáum við Beady Belle sem er stórkostleg hljómsveit sem spilar bland af flestum tegundum tónlistar svei mér þá.

En við endum hátíðina á BLOODGROUP! Og er hægt að enda miklu betur? Austfirsk hljómsveit sem er að gera frábæra hluti hér heima og erlendis og kemur hvergi nærri djassi! Eins og flest ykkar vita þá spila þau rafræna danstónlist. Þau fluttu til Berlínar nú fyrir stuttu til að taka upp nýja plötu og koma sér betur á framfæri og það er frábært að þau geri sér ferð á heimaslóðir til að hrista svolítið upp í okkur djassgeggurunum(svona, við erum öll djassgeggjarar).

www.jea.is

 

Þessi missir þá af hátíðinni!

Það er nú bara frábært að þeir skuli bösta þessa sveppi en leiðinlegt fyrir þá að missa af JEA. Á fösturdagskvöldið 27 júní verðum við nefnilega í Neskaupstað. Þar verðum við í Blúskjallaranum en fyrir þá sem ekki vita hvað það er þá er það húsnæði BRJÁN (Blús-Rokk og Jazzklúbburinn á Nesi) sem er tónlistarfélag. Þetta hús innréttuðu tónlistarmenn og tónlistaráhugamenn fyrir 10 árum eða svo undir æfingar og starfsemi klúbbsinns. Bláir Skuggar verða í kjallaranum og er þetta ekta staður fyrir þá að spila á.  Þetta verður svona alvöru klúbbastemning sem er ekki til á landinu nema í Blúskjallaranum!!!  Bláa Skugga skipa nokkrir af okkar bestu spilurum og leika þeir jazzættaðan blús.  Venni Linnet sagði um eina af þeirra tónleikum í Morgunblaðinu "GEGGAÐ STUÐ" og því lofum við!  Hvernig getur þetta orðið betra?  GEGGJAÐ STUÐ á GEGGJUÐUM stað á GEGGJAÐRI JAZZHÁTÍÐ!

  

 www.jea.is

 

 

Mikið magn fíkniefna í Norrænu

Tónleikar Jazzhátíðar í uppnámi!!!???

Sko ef að tónleikar eru auglýstir á ákveðnum tíma og klukkunni svo breytt þá getur allt farið í mess!  Þá verða tónleikagestir of seinir á Seyðisfjörð þegar Beady Belle og Bloodgroup spila.  Það er spurning hvort að við ættum að auglýsa nýjan tíma á þessa tónleika.  En við höldum okkur bara við 21:00 laugardaginn 28 júní að íslenskum tíma þangað til að Seyðfirðingar ákveða annað.   Annars er þetta stórkostleg hugmynd hjá Seyðfirðingum.  Þetta hefur amk verið á hvers manns vörum.

 

 Beady Belle 

 

 

 

Tina Turner, Steely Dan, Christina Aguilara, Faith Hill, Dolly Parton....

Ég gæti haldið áfram endalaust en þetta eru örfáir af þeim sem Larry Carlton og meðlimir hljómsveitar hans hafa leikið með. Listi þeirra sem þessir snillingar hafa unnið með er endalaus og er ekki hægt að segja að reynsluleysi hrjái þá mikið. Ég læt fylgja nokkrar línur af jea.is um Larry Carlton:

Það er stórkostlegt að þessi lifandi goðsögn komi til okkar á 20 ára afmæli JEA. Larry er gríðarlega virtur gítarleikari bæði fyrir sína eigin tónlist og vinnu hans fyrir ýmsa heimsþekkta tónlistamenn svo sem Sammy Davis, Jr., Herb Alpert, Quincy Jones, Paul Anka, Donald Fagen, Michael Jackson, John Lennon, Jerry Garcia, Dolly Parton, Billy Joel, Joni Mitchell, Lee Ritenour, Steve Lukather út Toto og svo mætti lengi telja. Einnig hefur hann gert garðinn frægan með hljómsveitunum The Crusaders, Fourplay, Stanley Clark and friends og síðast en ekki síst Steely Dan en hann var lykil maður í nokkrum af þeirra bestu plötum. Gítar sóló Larrys í laginu Kid Charlemagne með Steely Dan var valið þriðja besta gítarsóló allra tíma af Rolling Stone tímaritinu. Hann hefur leikið með öllum bestu tónlistarmönnum síðustu áratugina nú síðast með Sting á tónleikum í New York. Larry Carlton hefur einnig hlotið 3 grammy verðlaun fyrir verk sín og verið tilnefndur amk 10 sinnum. Larry Carlton varð 60 ára á dögunum og verður það ekkert annað en stórkostlegt að fá að sjá hann í návígi í Valaskjálf fimmtudagskvöldið 26 júní!

 

 

www.jea.is

 

 

Engin hátíð eins og JEA!!!

Þegar maður er að skipuleggja svona hátíð þá skoðar maður að sjálfsögðu aðrar hátíðir sem flestar eru stærri og eiga auðveldara með að fá til sín stór númer sökum staðsettningar.  Ég hef þó tekið eftir því að mjög margir sem við höfum samband við eru áhugasamir um að koma enda höfum við uppá að bjóða það sem engin hátíð í heiminum hefur uppá að bjóða en það er þessi frábæra náttúra okkar.  Einnig höfum við frábæra staði sem eru jú manngerðir(tónlistin er það nú líka) eins og þann sem opnunarhátíðin fer fram í. 

Aðkomugöng stöðvarhúss Fjótsdalsvirkjunnar er staðurinn og þar verður flutt glænýtt dans- og tónverk eftir Einar Braga(tónlist) og Irmu Gunnarsdóttur(dans) djúpt inni í risastóru fjalli!  Ég ætla að leyfa mér að fullyrða að svona nokkuð hefur aldrei verið gert á jazzhátíð nokkurstaðar í heiminum.   Ég veit að það er hættulegt að koma með svona fullyrðingar en laggó eins og skipstjórarnir segja.  Tónlistarhátíðir heimsins fara nefnilega fram í risastórum leikvöngum og í miðjum stórborgum og litlum bæjum að sjálfsögðu og í litlum húsum en ég hef ekki rekist á svona nokkuð.  Látið mig vita ef þið vitið af einhverju sambærilegu! 

Draumar/Dreams heitir verkið og samnefndur diskur kom út í vikunni með tónlistinni úr verkinu ásamt nokkrum auka lögum eftir Einar Braga.  Á disknum leika margir frábærir tónlistarmenn auk Einars Braga eins og Gulli Briem, Jói Ásmunds, Óli Scheving og tveir kunningjar okkar frá Noregi ásamt fleirum.  Dansararnir sem munu dansa þetta verk hafa unnið hörðum höndum að því að fullkomna danshluta verksins og þegar ég sá æfingu í aðkomugöngunum fyrir nokkrum vikum þá áttaði ég mig fyrst á því hversu magnaður viðburður þetta verður!

www.jea.is

 

Beady Belle á JEA og Björk og Sigurrós í Grasagarðinum.

Hmm já þetta gerist á sama deginum 28 júní 2008. Þegar ég sá Beady Belle á Sortland Jazzweekend 2005 þá hefur tekið sig upp sæluhrollur reglulega.  Hún sannar að djass getur sko verið skemmtilegur.  Ég hafði aldrei heyrt um Beady Belle þegar ég sá hana þar og strax frá fyrsta tóni gapti ég og táraðist, hló og gólaði.  Allt sem alvöru tónlist á að kalla fram í manni þegar maður er á tónleikum.  Fólkið í salnum iðaði og dansaði allan tímann og ég vissi að hún yrði að koma og spila á Jazzhátið Egilsstaða á Austurlandi (JEA).  Alveg síðan þá höfum við verið í sambandi við hana og nú er komið að því að sjá Beady Belle á JEA.  Hún verður í Herðubreið á Seyðisfirði 28 júní. 

Hér er örlítið sýnishorn af því sem koma skal:

 

www.jea.is   

Djass er eitthvað svo leiðinlegur...

Jazzhátíð Egilsstaða á Austurlandi skráir sig til leiks!  Hér munt þú geta lesið um það sem á dagna drífur nú þegar 20 dagar eru þangað til hátíðin hefst.  Fyrsta Jazzhátíð landsins var haldin 23.júní 1988 og sá Árni Ísleifs um að koma þessu öllu heim og saman.  Árni hélt hátíðinni gangandi í heil 18 skipti og hætti ekki fyrr en 2005 og gerði það með glæsibrag.  Margir stórkostlegir tónleikar hafa hljómað um Austurlandið þessi 20 ár og má þar nefna Svend Asmussen, Paul Weeden, Finn Ziegler, James Carter, úff hann var svakalegur og flestir íslenskir tónlistarmenn sem koma nálægt djasstónlist hafa leikið á hátíðinni.  

Það eru margir sem segja að djass sé svo leiðinlegur og vissulega er til leiðinleg tónlist sem flokka má undir djass.  En hana er ekki að finna á JEA!  Það er bara skemmtileg tónlist á Jazzhátíð Egilsstaða á Austurlandi.  Það er nú ekki leiðinlegt er það?

Í fyrra kom James Carter til okkar með Rioti Dóra Braga.  Ég veit að margir harðir djassarar fussuðu yfir því að ekki væru alvöru djassistar að spila með þessum snillingi (Bjössi Thor og Jón Rafns eru undanskildir, held ég) .  Hvernig sem á það er litið þá voru þessir tónleikar frábærir og ekki síst skemmtilegir.  Og það er það sem skiptir öllu máli á JEA.  Þeir sem sögðu að djass væri leiðinlegur gerðu það nefnilega ekki eftir þessa tónleika og mæta örugglega á hátíðina í ár.

Talandi um hátíðina í ár!  LARRY CARLTON!!!

  

 

   

Kíktu á www.jea.is  til að fræðast meira um hátíðina.  Svo skrifa ég nú eitthvað meira fljótlega.